← Is é a bhíodh i gceist leis na meáin chumarsáide san am atá thart ná na páipéir nuachta, an raidió agus an teilifís, ach d'imigh sin agus tháinig seo. 🔊
← Is annamh a d'fheicfeá sa lá atá inniu ann daoine ag dul ar bhus ná ar thraein agus páipéar nuachta faoina n-ascaill acu le léamh ar an turas. 🔊
← Ina ionad sin is amhlaidh a bhíonn cluasáin orthu agus iad ag stánadh rompu ar rud nach ann dó nó ag ag léamh óna scáileáin bheaga. 🔊
← In áit páipéar nuachta a fháil mar chóip chrua is féidir é a fháil mar chóip dhigiteach ar phraghas níos ísle agus é ar d'fhón nó ar pé scáileán atá agat a luaithe agus a bhíonn sé scríofa ag an iriseoir. 🔊
← Faoin am a bhíonn scéal scríofa agus foilsithe mar chóip chrua bíonn sé as dáta. 🔊
← Caithfear glacadh leis go mbíonn na bunscéalta ag daoine a luaithe agus a tharlaíonn an eachtra. 🔊
← Ar ndóigh, cuireann gach nuachtán nó iris a dhath nó a chlaonadh féin ar na scéalta agus is faoin léitheoir a fhágtar é chun a chiall féin a bhaint as. 🔊
← Baineann na scéalta pearsanta le heachtraí a bhain leis an scríbhneoir - an ceolchoirm ag a raibh sé nó sí nó an béile gleoite a bhí aige nó aici agus níl aon dochar iontu seo. 🔊
← Sa dara catagóir seo bíonn scéalta a gcuireann an pobal mór suim iontu agus a ghlacann leo mar fhoinse eolais. 🔊